გაკვეთილის გეგმები

გაკვეთილის გეგმა

მასწავლებლის სახელი, გვარი:  მაია გოდერძიშვილი

საგანი: ინფორმაციული და საკომუნიკაციო ტექნოლოგიები

სწავლების საფეხური/კლასი: დაწყებითი/ მე-5 კლასი

მოსწავლეთა რაოდენობა: 19 მოსწავლე, სსსმ მოსწავლე არ არის.

თემა: ფიგურები გრაფიკულ რედაქტორ Paint-ში

შეფასება: მოსწავლეები ფასდებიან განმავითარებელი შეფასებით (აღნიშვნის ფურცელი-ჩეკლისტი) (იხ. დანართი 1)

სასწავლო მასალა და რესურსები: კომპიუტერი, პროექტორი, ეკრანი, მაგნიტური დაფა, მაგნიტები, ფერადი თაბახის ფურცლები

საჭირო წინარე ცოდნა და უნარ-ჩვევები: მოსწავლეს შეუძლია პროგრამის გაშვება და პროგრამის მუშაობის დასრულება, გააზრებული აქვს ინფორმაციის ცნება, ინფორმაციის ტიპები, ფაილისა და საქაღალდის ცნება, ფაილის და საქაღალდის შექმნა. გრაფიკულ რედაქტორში ნახატის შექმნა,   შენახვა  და გახსნა.  

მიზანი: მოსწავლე შეძლებს გრაფიკულ რედაქტორ Paint -ში ნახატის  შექმნას წინასწარ გამზადებული გრაფიკული ელემენტების (გეომეტრიული ფიგურების) კომბინირებით შეისწავლის ფიგურათა მონიშვნას, ზომების შეცვლას და კოპირებას, გეომეტრიულ გარდაქმნებს სურათის შემადგენელ გრაფიკულ ელემენტებზე (მობრუნება, სიმეტრია, გაჭიმვა) განავითარებს კომპიუტერთან ურთიერთობის უნარ-ჩვევებს.

სტანდარტთან შესაბამისობა: ის. ტექნ. დაწყ. 2. 

Ø  აცნობიერებს სხვადასხვა სახის პროგრამული უზრუნველყოფის (მაგალითად: ტექსტური რედაქტორი, გრაფიკული რედაქტორი, ელექტრონული ცხრილი)  დანიშნულებას და ფუნქციებს და ეფექტიანად იყენებს მათ ( მაგალითად: მონიშვნა, კოპირება, ჩასმა, ფორმატირება);

Ø  მუშაობის პროცესში საჭიროებისამებრ ინახავს ციფრულ მასალას პროგრამული უზრუნველყოფის შესაბამისი ფუნქციების გამოყენებით.

Ø  ქმნის ფაილებსა და საქაღალდეებს ლოგიკური ორგანიზების პრინციპით, მონაცემთა ეფექტიანად შენახვის, მოძებნისა და წაკითხვის მიზნით.     

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)	თითოეული აქტივობის ბოლოს მისაღწევი შედეგი
1	კლასის ორგანიზება და გაკვეთილის მიზნის გაცნობა. საორგანიზაციო საკითხების მოგვარების შემდეგ მოსწავლეებს გავაცნობ გაკვეთილის თემას, მიზანს, შეფასების კრიტერიუმს.	ვერბალური ახსნა	მთელი კლასი	მასწავლებლის მიერ მომზადებული პრეზენტაცია	2 წთ.	მოსწავლეები გაეცნობიან გაკვეთილის მიზანს; შეძლებენ ვარაუდების და მოსაზრებების გამოთქმას
2	წინარე ცოდნის გააქტიურება. წინარე ცოდნის გააქტიურების მიზნით მოსწავლეებს ვთავაზობ პროგრამა learningapps- ში  გაკეთებულ კროსვორდს ( დანართი N2)	თამაშით სწავლება	მთელი კლასი	კომპიუტერი	5 წთ	მოსწავლეები გაიხსენებენ განვლილ მასალას
3	მოსწავლეებს ვაჩვენებ ქაღალდისგან გამოჭრილ ფიგურებს: წრეს,  მართკუთხედს, სამკუთხედს. მოსწავლეები დამისახელებენ ფიგურებს.  შემდეგ ვთხოვს კლასს, გამოვიდეს მოხალისე ორი მოსწავლე, რომელიც გამოჭრილ ფიგურებს ისე განათავსებს დაფაზე, რომ მიიღოს ხე, ნაყინი.	სწავლა - კეთებით	მთელი კლასი	თაბახის ფურცელზე გამოჭრილი გეომეტრიული ფიგურებით ნახატის აწყობა	5 წთ.	მოსწავლეები გაიგებენ თუ როგორ შეიძლება გეომეტრიული ფიგურების საშუალებით სურათის აწყობა.
4	შინაარსის რეალიზება მოსწავლეებს ვეუბნები, რომ არა მარტო ნაყინი და ხე, არამედ ბევრი რამ ჩვენ გარშემო მარტივ გეომეტრიულ ფიგურებად იშლება. ფიგურების გამოყენებით მათ შეუძლიათ გააფორმონ ტექსტი, შექმნან მისალოცი და მოსაწვევი ბარათები.  მოსწავლეებს გავაცნობ ფიგურების დასახატ ბრძანებას, პროგრამა Paint-ში შესაბამის ინსტრუმენტებს, გავაცნობ თუ როგორ ხდება ფიგურის მონიშვნა, გადაადგილება, მობრუნება,  ნახატის მონიშვნის დამატებით ფუნქციებს -თავისუფალი და ოთხკუთხა მონიშვნა, მონიშვნის ფუნქციას - Transparent selection,  კოპირებას, ზომის შეცვლას, ჩასმას.  შესწავლა უშუალოდ პრაქტიკული დავალებების შესრულებით მიმდინარეობს.	ვერბალური ახსნა	მთელ კლასთან	კომპიუტერი, პროექტორი	10 წთ.	მოსწავლეები გაეცნობიან თუ როგორ ხდება ფიგურების ჩასმა პროგრამა Paint- ში, გაეცნობიან და ივარჯიშებენ გრაფიკულ რედაქტორში ნახატის შექმნის უნარებს, ფიგურებზე მოქმედებებს (ფერის შეცვლა, ზომების რედაქტირება, მონიშვნა (თავისუფალი  და მართკუთხა მონიშვნა) მობრუნება, კოპირება, გადაადგილება და ა.შ)
5	ახსნილი მასალის გაგება-გააზრების შემოწმების მიზნით მოსწავლეები შეასრულებენ დამოუკიდებელ სამუშაოს. პროექტორის საშუალებით ვაძლევ შესასრულებელი დავალების ინსტრუქციას : Ö   შეასრულეთ ნახატი Paint- ში Ö  გამოიყენეთ გეომეტრიული ფიგურები Ö ფიგურებზე მოახდინეთ შემდეგი მოქმედებები: ფერის ჩასხმა, ზომის შეცვლა, გადაადგილება კოპირება (დანართი #3) დავალების შესრულების პროცესში მასწავლებელი მოსწავლეებს აძლევს განმავითარებელ შეფასებებს.	სწავლა - კეთებით ინსტრუქტაჟის მიხედვით	წყვილებში	პროექტორი; ინსტრუქცია ; კომპიუტერი; მასწავლებლის დაკვირვების ფორმა	15 წთ.	მოსწავლეები შექმნიან სურათს შესაბამისი ფიგურების გამოყენებით
6	მასალის  შეჯამება; გაკვეთილის შესაჯამებლად ვსვამ კითხვებს: ინსტრუმენტების ზოლის რომელი ჯგუფიდან ხდება ფიგურის ჩასმა? როგორ ეცვლება ფიგურას ზომა? როგორ უნდა გადავაადგილოთ ფიგურა? შესაძლებელია თუ არა ფიგურის კოპირება? მობრუნება? მონიშვნის რამდენი ხერხი არსებობს? რა განსხვავებაა მათ შორის?	კითხვა-პასუხი	მთელ კლასთან		5 წთ.	მასწავლებელი მოსწავლეებთან ერთად კითხვების საშუალებით შეაჯამებს გაკვეთილს .
7	შეფასება და უკუკავშირი: ვაფასებ მოსწავლეებს წინასწარ გამზადებული დაკვირვების ფორმით (დაბართი #1). მოსწავლეების უკუკავშირის მისაღებად ვურიგებ ფერად წებოვან ფურცლებს და ვთხოვ დამიწერონ რა მოეწონათ და რა ვერ გაიგეს.	უკუკავშირის მიწოდება	მთელი კლასი	დაკვირვების ფორმა ფერადი ფურცლები	2 წთ.	მოსწავლე მიიღებს შეფასებას და მომაწვდის უკუკავშირს
8	საშინაო დავალებას: მოსწავლეებს ვაძლევ საშინაო დავალებას: ფიგურების გამოყენებით გრაფიკულ რედაქტორში -Paint- შეასრულეთ ნახატი - ,,გაზაფხულის სურათი’’.	ვერბალური ახსნა	მთელ კლასთან		1 წთ	ინიშნავენ საშინაო დავალებას.

                                         

გაკვეთილის  ბოლოს  მისაღწევი  შედეგი: მოსწავლეები შეძლებენ  სხვადასხვა ნახატების შექმნას გეომეტრიული ფიგურებით, ფერის ჩასხმას, გადაადგილებას, ზომის შეცვლას, კოპირებას.

შეფასება:        განმავითარებელიდა განმსაზღვრელი

შეფასების რუბრიკები  თან ერთვის გეგმას

დანართი #2

https://learningapps.org/display?v=p8xj8mftj19

დანართი #3

დანართი N1

#	მოსწავლის გვარი, სახელი	ასახელებს გეომეტრიულ ფიგურებს, გრაფიკულ რედაქტორს Paint  - ში იყენებს ფიგურების ჩასმის შესაბამის ინსტრუმენტებს	შეუძლია ფიგურებზე მოქმედება			ფიგურებისგან ქმნის სურათს			ინახავს შესრულებულ დავალებას თავის საქაღალდეში
			ზომის და ფერის შეცვლა	კოპირება, მობრუნება	მონიშვნა, გადაადგილება	სურათი სრულყოფილია, სრულად შეესაბამება მასწავლებლის მიერ მიცემულ დავალებას	ფიგურებისგან ქმნის სურათს, თუმცა სრულად არ შეესაბამება მასწავლებლის მიერ მიცემულ დავალებას, ნაკლებად იყენებს Paint - ის შესაბამის ინსტრუმენტებს.	ნაწილობრივ ასრულებს მითითებულ დავალებას, იყენებს ფიგურების ჩასმის შესაბამის ინსტრუმენტებს, თუმცა უჭირს სურათის შექმნა ფიგურების გამოყენებით.
1
2
3
4
5
6
7
8
9
10
11
12
13
14
15
16
17
18
19

დანართი #4